الرفاعي.. حلو وحادق بيخلص من العلبة

إلى يعرف حلو انى الرفاعى كويس.. يعرف ان كل حاجة عندة حلوة، ولكن بتفاوت يعنى فى حلو اوى وفية حلو اوى اوى وفية حلو يطير العقل 

طبعا غير أن كل كم يوم لازم شيفات الرفاعى يعلنو عن اختراع يرفع هرمون السعادة ، سواء بقى غربي ولا شرقي وكمان تركي، واحيانا بيبقى مكس منعرفش اصل مطبخة ولكن بيحلى السفرة وتبقى ضيافة تشرف 

البسكويت بالشيكولاتة دا حاجة تجنن دايب والشيكولاتة باينة فية ريحة الفانيليا طازة جدا.. مع كوباية شاى بقى أو نسكافية هاتبقى سناك يجنن في الشتا

وكمان فية المعمول السورى المليان فستق و البنين،و كل أنواع السليزون، قرص بالجبنة، باتيه، كل دية أصناف الرفاعي تفوق على نفسة فيها.. ولكن كل عيبها انها بتخلص وهيا في العلبة من طعمتها 

محل الرفاعي مليان انواع وأنواع مابين حلو وحادق هانجرب لكم حاجات كتير وهانقول راينا.. خاصة اننا داخلين على الفلانتين وهما مجهزين أصناف كتير طعمها وشكلها يجنن